Author Archives: DebunkerOfCassidy

A reply to Joe Daly

I have had a comment from someone called Joe Daly about my post on Did The English Ban Irish:

you dont take in to account the fact that kids where beat in school for specking Irish. while they might not have passed a law banning it their attitude towards the Irish did the same thing . even goin so far as to ban Catholic children from goin to school. Under the penal codes imposed by the British, the Irish Catholics were not allowed to have schools. and so started the rise of Hedge schools.

I am well aware of the history of education in Ireland. I know about the bata scóir and the scoileanna scairte. I have said repeatedly that the English were no friends to the Irish language. In the early 17th century, almost nobody spoke English in Ireland. People like myself who speak Irish on a daily basis are now a tiny minority, and that is a direct result of policies designed to elevate the status of English at the expense of Irish. As I said in the article: The fact is, of course, that the English administration in Ireland was no friend to the Irish language. Irish was progressively squeezed out of any realm of life which would have given it power or influence. I am not defending the English here.

What I am saying here (and I can’t think of any way to make it clearer) is that the Irish language was not illegal in Ireland. It wasn’t encouraged or promoted or helped to survive in any way, but it was not made illegal, probably because the inhabitants of Langerland didn’t care a damn what shepherds and woodmen and fishermen spoke amongst themselves, as long as they paid rent and taxes and tithes to a foreign ascendancy.

With regard to Irish history, the English are as guilty as hell. Why does anyone need to invent extra crimes to make them look worse?

Advertisements

Freagra ar Joe Daly

Chuir duine éigin darbh ainm Joe Daly barúil suas ar an alt a scríobh mé traidhfil de bhlianta ó shin dar teideal Did The English Ban Irish:

you dont take in to account the fact that kids where beat in school for specking Irish. while they might not have passed a law banning it their attitude towards the Irish did the same thing . even goin so far as to ban Catholic children from goin to school. Under the penal codes imposed by the British, the Irish Catholics were not allowed to have schools. and so started the rise of Hedge schools.

Tá go leor eolais agam ar stair an oideachais in Éirinn. Tá a fhios agam faoin bhata scóir agus faoi na scoileanna scairte. Tá sé ráite agam arís agus arís eile nár chuidigh Sasana pioc leis an Ghaeilge. I dtús an tseachtú haois déag, is beag duine in Éirinn a raibh Béarla aige. Ach anois, tá mo leithéidí féin, daoine a labhraíonn Gaeilge ar bhonn laethúil, tá muid chomh gann is a bhí lucht an Bhéarla anseo ceithre chéad bliain ó shin, agus is toradh díreach é sin ar bheartais a rinneadh d’aonghnó le stádas an Bhéarla a ardú agus le stádas na Gaeilge a ísliú. Mar a luaigh mé san alt sin: The fact is, of course, that the English administration in Ireland was no friend to the Irish language. Irish was progressively squeezed out of any realm of life which would have given it power or influence. I am not defending the English here.

An rud atá á rá agam (agus ní thig liom smaoineamh ar dhóigh ar bith lena rá níos soiléire), ná nach raibh an Ghaeilge in éadan an dlí in Éirinn. Níor spreagadh í, níor cothaíodh í, níor cuidíodh léi teacht slán ar dhóigh ar bith, ach níor cuireadh cosc uirthi le hacht ná reacht ná dli.  Is dócha gur chuma sa tsioc leis na Sasanaigh cad é a labhraíodh aoirí nó iascairí nó coillteoirí Gaelacha eatarthu féin, a fhad is a d’íoc siad cíos agus cáin agus deachúna le huasaicme Ghallda.

Maidir le stair na hÉireann, tá Sasana chomh ciontach leis an diabhal. Cad chuige a mbeadh ar dhuine ar bith coireanna breise a chumadh le cosúlacht níos measa a chur orthu?

Amadán na Míosa, Mí Iúil 2018 – Matthew Walther

Is é Amadán na Míosa an mhí seo ná diúlach darb ainm Matthew Walther. Is iriseoir é, dar leis féin. De réir cosúlachta, is comhfhreagraí náisiúnta é le The Week (cibé rud é sin) agus tá cónaí air in Michigan. Níl a fhios agam an Gael nó Meiriceánach nó Gearmánach é. An t-aon eolas atá agam air ná gur Caitliceach den eite dheis agus conspóidí gairmiúil é. I ndiaidh an Reifrinn ar an ghinchealú i mí Bhealtaine, chuir sé an méid seo suas ar Twitter:

Ireland is such a joke. “Look at us, we’re nice modern anticlerical progressives. Our prime minister has a quaint title in a made-up language invented by Yeats and Lady Gregory out of boredom. We kill babies and allow corporations to hoard their ill-gotten gains here.”

Tá seantaithí againn ar chonspóidithe gairmiúla den chineál seo in Éirinn: ní gá ach Conor Cruise O’Brien agus Kevin Myers a lua. Agus mar a bhí amhlaidh i gcás an Cruiser agus My-arse, bíonn daoine mar seo ag déanamh dhá rud: déanann siad simpliú ar cheisteanna atá casta íogair (we kill babies) agus an méid atá le rá acu, níl ann ach raiméis sheanchaite neamhbhunúil. Níl Gaeilgeoir ar bith beo nár chuala miotais gan chiall den chineál seo na céadta uair roimhe.

Agus creid uaim é, is miotais iad. Ní raibh Gaeilge ar bith ag WB Yeats agus cibé Gaeilge a bhí ag an Bhantiarna Gregory, ní raibh baint ná páirt aici le hathghléasadh na teanga san Athbheochan, cibé ról a bhí ag an leadrán sa scéal. De ghnáth, deirtear gur de Valera a chum an Ghaeilge, ach nach cuma – níl ceachtar den dá leagan ceart!

Agus ar ndóigh, cé go ndearnadh a lán athruithe ar an teanga le cúpla céad bliain anuas, tá bunús na bhfocal agus na struchtúr sa teanga a bheag nó a mhór mar a bhí dhá chéad bliain ó shin. Rinneadh aistriúchán Bedell den Bhíobla sa tseachtú haois déag ach is beag rud sa leabhar sin nach bhfuil intuigthe ag duine ar bith a bhfuil Gaeilge mhaith aige nó aici sa lá atá inniu ann.

Mar sin de, níl sa raiméis seo ach bleadaireacht dhrochmhúinte aineolach.

An t-aon teachtaireacht atá ag féinspéisithe gan tallann mar Walther ná: Is mise an duine is tábhachtaí ar chlár an domhain. Éistfear le mo ghlór! Caithfear éisteacht! Mar sin de, cuimhnigh ar ainm Walther. Agus má fheiceann tú an t-ainm sin ar alt, ná léigh é. Níl rud ar bith fiúntach le rá ag leithéidí Walther, agus is beag is fiú do chuid ama a chur amú lena gcuid amaidí.

July’s Twit of the Month – Matthew Walther

This month’s Twit of the Month is a guy called Matthew Walther. He thinks he is a journalist. He describes himself as National Correspondent at The Week (whatever that is) and he is based in Michigan. I don’t know if he is Irish or American or German. All I know is that he is a right-wing Catholic and a professional controversialist. After the referendum on abortion recently, he tweeted the following:

Ireland is such a joke. “Look at us, we’re nice modern anticlerical progressives. Our prime minister has a quaint title in a made-up language invented by Yeats and Lady Gregory out of boredom. We kill babies and allow corporations to hoard their ill-gotten gains here.”

We have plenty of experience of professional controversialists like this in Ireland: you only have to mention the likes of Conor Cruise O’Brien and Kevin Myers. And as was the case with the Cruiser and My-Arse, people like this do two things: they simplify issues that are complicated and sensitive (we kill babies) and what they have to say is just clichéd nonsense. There is not an Irish speaker alive who hasn’t heard this kind of dim-witted pontification hundreds of times before.

And believe me, these opinions are nonsense. Yeats had no Irish and whatever Irish Lady Gregory spoke, she had nothing whatever to do with the refit of the Irish language at the time of the Revival, whatever role boredom had in the matter. Usually, the modern Irish language is ascribed to De Valera, but as neither version is correct, what does it matter?

And of course, though a lot of changes have been made to the language in the last couple of hundred years, most of the words and structures in the language are exactly as they were two hundred years ago. The Bedell Bible was translated in the 17th century but there is little in that book that would be hard for a good Irish speaker of today to understand.

So, this nonsense is nothing but ill-mannered, ignorant blether.

The only message that talentless egoists like Walther have is: I am the most important person on earth. Listen to me! You have to listen to me! So, remember Walther’s name. And if you see that name on an article, don’t read it. People like Walther have nothing worthwhile to say, and there is not much point in wasting your time with their nonsense.

Níos mó ar ‘dude’ na Gaeilge

Tá teoiricí amaideacha Cassidy faoin fhocal ‘dude’ pléite agam roimhe seo. Mura gcuireann sé fonn ort caitheamh amach, is féidir leat éisteacht le Cassidy ag cur thairis faoin ábhar seo leis an mheascán den phoimpéis agus den bhómántacht ba dhual dó le lucht féachana geanúil de lútálaithe agus de bhocamadáin ag an NY Tenement Museum anseo: http://tenement-museum.blogspot.com/2008/10/danny-cassidy.html

Má tá tú ar dhóigh ar bith cósúil liomsa, cuirfidh blas srónach féinsásta agus easpa umhlachta Cassidy isteach ort chomh mór sin gurbh fhearr leat a chuid rámhaillí maidir leis an cheist seo a léamh in áit éisteacht leis. Seo an dóigh ar foilsíodh an méid a mhaígh Cassidy faoi bhunús an fhocail ‘dude’ ar CounterPunch: 

Dude, n.,a dapper dandy; a ‘swell,’ an affected, fastidious fop; a city slicker at a dude ranch. “Origin unknown.” (Barnhart Dictionary of English Etymology, 305.)

Dúd, (pron. dood), dúd(a), al. dúid, n., a foolish-looking fellow; a dolt, a numbskull; a clown; an idiot; a rubbernecker; a long-necked eavesdropper. (Dineen, 377, 378; Ó Dónaill, 459, 460.)

Dúdach, adj., rubber-necked; foolish-looking, queer. Dúdaire, n., a clown, an idiot (Kerry); a long-necked person; a dolt; an eavesdropper. Dúdálaí, n., a stupid person; an idiot; a self-conscious person.  (Dineen, 377, 378; Ó Dónaill, 459, 460, Foclóir Póca, 349, 350)

Dúd (pron. dood, a dolt) was a moniker Irish Americans slapped on slumming, dapper, wealthy, young “swells,” out on a “spree” (spraoi, fun, sport, frolic, a drinking bout) in the concert saloons, dance halls, and theaters of old New York.

Mar sin de, duine ar bith atá ag léamh chur síos Cassidy ar an scéal, shílfeadh sé go bhfuil dornán focal ann sa Ghaeilge ar nós diúid, dúid, dúdaire, dúdálaí, dúidín agus dúdóg, focail a mbaintear úsaid astu, den chuid is mó, le cur síos ar dhaoine. Sin é leagan Cassidy. Amharcaimis ar an fhírinne in áit leagan Cassidy.

De réir cosulachta, tá dhá fhocal ar leith i gceist anseo. Deir FGB Uí Dhónaill:  Diúid 1. Simple, uncomplicated. 2. Straightforward, sincere. 3. Simple-minded, silly.  Ní léir go bhfuil baint ar bith aige leis an fhocal dúid, an focal is bunús leis na focail eile a thug mé thuas. Is ainmfhocal dúid. Bíonn sé le fáil in amanna i seantéacsanna san fhoirm dúda. Seo an méid atá le rá ag Ó Dónaill: 

dúid, f. (gs. ~e, pl. ~eanna).1. Stump. Rud a ghearradh (amach, aníos) ón ~, ó bhun na ~e, to cut sth. right down to the stump. Chuir an tarbh an adharc go bun na ~e, go filleadh ~e, ann, the bull stuck his horn right into him. 2. (a) Stumpy object, protuberant part; (short) horn, (cropped) ear, tail. (b) Short-stemmed (clay) pipe. 3. (Craned) neck, throat. ~ a chur ort féin, to crane ones neck; to turn ones head shyly away; to eavesdrop; to mope around. Greim ~e a fháil ar dhuine, to grasp s.o. by the neck, to fasten on s.o. Rud a chur ar do dhúid, to swallow hard at sth., to gulp sth. down ones throat. 4. (a) Stumpy person. (b) Mopish, shy person; numbskull. (Var:~eán m)

Ar an drochuair, fágadh sanasaíocht na Gaeilge in áit na leithphingine thar na blianta. Níl oiread agus bunfhoclóir sanasaíochta againn i nGaeilge nó fiú i mBéarla faoi bhunús na bhfocal Gaeilge. Ach, nuair a chuardaigh mé an focal dúid i dtéacsanna Gaeilge, tháinig mé ar a lán samplaí ina raibh duid ann mar leagan mílitrithe den fhocal duit no den fhocal dóid (dorn nó lámh).  

Ní bhaineann na téarmaí seo go príomha le daoine. Bíonn téarmaí ar nós dúid agus dúidín ag tagairt do stumpaí nó butaí, rudaí atá cosúil le buta, le feadán, le muineál, le cluas, le trumpaí beaga nó le dúidíní tobac. Baintear úsáid as i bhfrásaí ar nós gearrtha go dúid, agus na focail thánaisteacha, leithéidí dúdaire agus dúdálaí (a chiallaíonn cúléisteoir nó scrogaire), fuair siad an chiall sin cionn is go mbíonn duine fiosrach ag síneadh na dúide le héisteacht nó le hamharc níos fearr ar rudaí nach mbaineann leo. 

Cad é faoin fhocal dúid mar mhasla, mar théarma a úsáidtear le cur síos a dhéanamh ar dhaoine? An bhfuil fianaise ar bith ann? Bhal, Ó Dónaill, ina Fhoclóir Gaeilge-Béarla, luann sé an chiall duine íseal nó blocán, ach níl sa tsainmhíniú sin ach an ceathrú ceann, agus an ceann deireanach. Agus luann Dinneen agus Ó Dónaill araon an focal galldúda leis an chiall búr, fuirseoir. (Is dócha gur Gall, duine eachtrannach, atá i gceist leis an chéad chuid.) 

Seachas an dá fhoinse seo, ní bhfuair mé aon tsampla eile de na focail dúid ná dúda in úsáid mar théarma maslach le tagairt a dhéanamh do dhaoine i dtéacsanna Gaeilge. Lena rá ar dhóigh eile, is fíorannamh a úsáidtear an téarma seo le cur síos a dhéanamh ar dhaoine agus mar gheall air sin, ní mór dúinn an cheist a chur, an é seo an focal (nó an focal de na focail é seo) a mbaineadh lucht na Gaeilge úsáid as/astu nuair a chonaic siad gaige ardaicmeach ag siúl go mórluachach trí cheantar na mbocht? I ndiaidh an tsaoil, tá sé le tuiscint ó shainmhíniú Uí Dhónaill gur duine íseal, ciotach, cúlanta, caochóg ar chóisir, duine cotúil leamh atá i gceist le dúid, an chorruair a úsáidtear an téarma sin le daoine. An phríomhchiall atá le dude an Bhéarla, gur duine a dhéanann seó saolta de féin atá ann, duine a nochtann a chuid saibhris agus a thuiscint ar stíl agus ar fhaisean don tsaol mhór.

Ní hamháin sin, ach is léir go bhfuil an gnáthbhunús a luann lucht na sanasaiochta (go dtig sé ón amhrán Yankee Doodle, a bhfuil baint láidir aige le gaigí agus le bónna aonaigh) i bhfad níos láidre ná cás Cassidy. Níl i leagan Cassidy ach caimiléireacht aineolach mhíchumtha ó bhréagadóir bromúdarásach naircisíoch nach raibh scileanna ná cáilíochtaí ar bith aige.

More on the Irish dude

I have dealt before with Cassidy’s ridiculous claims about the word ‘dude’. If you have the stomach for it, you can listen to Cassidy spouting rubbish about this subject with his usual mixture of pomposity and incompetence to an adoring audience of sycophants and dimwits at the NY Tenement Museum: http://tenement-museum.blogspot.com/2008/10/danny-cassidy.html

If, like me, you find Cassidy’s self-satisfied nasal twang and utter lack of humility a real turn-off, perhaps you will prefer to read his nonsense in relation to this question instead of listening to it. Here is the way that Cassidy’s claims about the Irish origins of ‘dude’ appeared on CounterPunch:

Dude, n.,a dapper dandy; a ‘swell,’ an affected, fastidious fop; a city slicker at a dude ranch. “Origin unknown.” (Barnhart Dictionary of English Etymology, 305.)
Dúd, (pron. dood), dúd(a), al. dúid, n., a foolish-looking fellow; a dolt, a numbskull; a clown; an idiot; a rubbernecker; a long-necked eavesdropper. (Dineen, 377, 378; Ó Dónaill, 459, 460.)
Dúdach, adj., rubber-necked; foolish-looking, queer. Dúdaire, n., a clown, an idiot (Kerry); a long-necked person; a dolt; an eavesdropper. Dúdálaí, n., a stupid person; an idiot; a self-conscious person. (Dineen, 377, 378; Ó Dónaill, 459, 460, Foclóir Póca, 349, 350)
Dúd (pron. dood, a dolt) was a moniker Irish Americans slapped on slumming, dapper, wealthy, young “swells,” out on a “spree” (spraoi, fun, sport, frolic, a drinking bout) in the concert saloons, dance halls, and theaters of old New York.

So, anyone reading Cassidy’s account would think that there is a complex of Irish terms like diúid, dúid, dúdaire, dúdálaí, dúidín and dúdóg, all of which apparently refer to people. That’s Cassidy’s version. Let’s have a look at the truth instead of Cassidy’s version.

There seem to be at least two separate words here. Diúid is an obscure adjective meaning 1. Simple, uncomplicated. 2. Straightforward, sincere. 3. Simple-minded, silly. (According to Ó Dónaill’s dictionary) It doesn’t seem to have any relationship to the word dúid, which seems to be the origin of all the other words given above. Dúid is a noun. It sometimes occurs in older texts as dúda. Here are its meanings (again from Ó Dónaill):

dúid, f. (gs. ~e, pl. ~eanna).1. Stump. Rud a ghearradh (amach, aníos) ón ~, ó bhun na ~e, to cut sth. right down to the stump. Chuir an tarbh an adharc go bun na ~e, go filleadh ~e, ann, the bull stuck his horn right into him. 2. (a) Stumpy object, protuberant part; (short) horn, (cropped) ear, tail. (b) Short-stemmed (clay) pipe. 3. (Craned) neck, throat. ~ a chur ort féin, to crane one’s neck; to turn one’s head shyly away; to eavesdrop; to mope around. Greim ~e a fháil ar dhuine, to grasp s.o. by the neck, to fasten on s.o. Rud a chur ar do dhúid, to swallow hard at sth., to gulp sth. down one’s throat. 4. (a) Stumpy person. (b) Mopish, shy person; numbskull. (Var:~eán m)

Unfortunately, the field of Irish-language etymology has been neglected down the years. We don’t even have a basic etymological dictionary in Irish for common words. When I have searched for it in Irish texts and also on Google, I have come across many instances where duid is a misspelling of duit (for or to you), or of dóid (a fist or hand).

These terms are not primarily about people. Terms like dúid and dúidín seem to refer to stumps, stump-like objects, tubes, the neck, the ear, small trumpets or smoking pipes. It is used in phrases like gearrtha go dúid, (cut down to the stump) and the secondary words like dúdaire and dúdálaí (which mean things like rubbernecker or eavesdropper) acquired these meanings from the notion of someone craning their neck to hear or see things that are none of their business.

What about dúid being used as an insulting term for a person? Is there any evidence of this? Well, Ó Dónaill in his Foclóir Gaeilge-Béarla gives it as having the meaning stumpy person or shy person or numbskull, though this is the fourth and final meaning given. And both Dinneen and Ó Dónaill give the word galldúda with the definition of an ignorant, clownish person. (The first bit is presumably gall, meaning foreign, non-Gaelic.)

Apart from these two sources, I have not come across any instance of dúid or dúda being used as a dismissive term for people in Irish texts. In other words, its use in this way is very rare, and because of this, we have to ask ourselves if this is the, or even a word, that Irish-speaking people would have used when they saw some dandy strutting through their area. After all, the implication of Ó Dónaill’s definition is that a dúid is someone who is stumpy, shy, awkward, who doesn’t do much. The primary meaning of dude in English is an exhibitionist, someone who flaunts their wealth and their style.

Add to that the appropriateness of the usual etymologist’s derivation from Yankee Doodle and its clear association with dandyism, and Cassidy’s claim starts to look like what it is – a load of ignorant, distorted flim-flam from a loud-mouthed, narcissistic con-man with no skills and no qualifications.

Níos Mó Ar An Chaidhp Bháis

Phostáil mé roimhe seo faoi bhunús Gaeilge (mar dhea) an fhrása “to put the kybosh on something.” I bpostáil darbh ainm Putting The Kybosh on Cassidy (Bealtaine 2016), luaigh mé gur minic roimhe seo a maíodh gur Gaeilge é kybosh (i bhfad sular foilsíodh leabhar bómánta Cassidy). Deirtear gur leagan truaillithe de na frásaí caip bháis nó caidhp bháis atá ann. An gnáthmhíniú air sin ná gur tagairt atá ann don chaipín dubh a chuireann breitheamh ar a cheann agus é ag daoradh duine chun báis.

Is féidir plé spéisiúil ar an téarma seo le hAnatoly Liberman a léamh ag blag an OUP anseo:

https://blog.oup.com/2013/08/three-recent-theories-of-kibosh-word-origin-etymology/

Sa phlé a rinne mé ar an bhunús Gaeilge a mhaítear don fhocal kybosh, luaigh mé nár tháinig mé ar thagairt ar bith don bhunús Gaeilge seo roimh cheann a foilsíodh ar an Cornell Daily Sun i mí na Nollag, 1936. San alt sin, tá cur síos ar léacht a thug fear darbh ainm Conboy faoi bhunús Gaeilge roinnt focal i mBéarla.

“Kibosh,” Conboy said today, “comes from ‘caip,’ which means cap, and bais,’ which means death. “It originated in Ireland about the time of Judge Norbury, who was called the ‘hanging judge.’

An lá faoi dheireadh, bhí mé ag déanamh roinnt taighde nach mbaineann leis an ábhar seo ar na Irish News Archives (Cartlanna Nuachtán na hÉireann), cartlann bhreá inchuardaithe de shean-nuachtáin Éireannacha. Bhí mé ar shéala an ríomhaire a dhruidim agus dul a luí, nuair a shocraigh mé kibosh/kybosh a chuardach lena fháil amach cad é a bhí ann.

Tá an plé thíos bunaithe ar thorthai an chuardaigh sin.

Sa Kerry Champion ar an 6ú lá de Mheán Fómhair, 1930, foilsíodh litir ó dhuine a d’úsáid an leasainm Oisín i ndiaidh na Féinne. Bhí an duine seo ag labhairt ar an Choláiste Gaeilge ar an Daingean i gCiarraí:

I asked him all about the Colaisde. “The Colaisde is it?” said he. “The koybosh (caip bhais) is put on it altogether for the past few years, and this year beat them all.”

I dtús báire, shíl mé gur léirigh seo go soiléir gur cor cainte Gaeilge atá i gceist le koybosh agus gur fíorphíosa fianaise é seo. Agus sin ráite, nuair a léigh mé an chuid eile de na haltanna, ní raibh mé chomh cinnte sin.

Ar an 21ú Aibreán, 1933, ar Scéala Éireann (The Irish Press) deir Seosamh S Ua Ceallaigh ó Richmond i Surrey gur tagairt atá ann don chaipín dhubh a chuireann breitheamh ar a cheann agus gur caip báis atá ann sa Ghaeilge. Ach, ceithre lá ina dhiaidh sin (25ú Aibreán 1934), scríobh fear darbh ainm Rice ó Liatroim san Irish Press gurb ionann é agus ‘an chuid sin den chochall a tharraingítear síos thar aghaidh an duine mhairbh go díreach roimh an adhlacadh’. Maíonn ‘Ballyduag’ gur caipín dubh an bhreithimh atá i gceist san Irish Independent ar an 10ú Aibreán 1943, ach faoina litir tá litir eile le John Grogan ó Bhaile Átha Cliath, a shonraíonn go bhfuil an frása an chaip báis ag tagairt don chaipín pice a bhí mar chéasadh/pionós ag na Sasanaigh in Éirinn san 18ú haois.

Ach ní hé sin a dheireadh. Scríobh duine dar leasainm “Periscope” san Irish Examiner ar an 18ú Eanáir, 1927 gur tháinig “putting the kybosh on it”  ón fhocal Gaeilge “cabais”. Dar leisean, ciallaíonn cabais bheith ag labhairt raiméise faoi ábhar. Ar ndóigh, níl mórán measa agam ar an tuairim seo. Ní dóigh liom go bhfuil a leithéid d’fhocal ann agus cabais. Tá focail ann atá cosúil leis, ar nós cabaireacht, ach níl rud ar bith ann atá cóngarach go leor, dar liom féin.

Deir litir ón Chanónach Maguire, S.P., san Irish Independent ar an 26ú Eanáir 1943 nach bhfuil baint ar bith idir an fhocal kybosh agus bosh (raiméis) ach gur tháinig sé ó caoi bais, nó “bealach an bháis”. De réir cosúlachta, níl duine ar bith eile ar aon intinn leis agus níl an frása seo le fáil i bhfoinse ná i dtéacs ar bith eile.

Agus sin ráite, agus mé ag amharc ar na tagairtí éagsúla, fuair mé gur cumadh na cinn is luaithe, agus is spéisiúla, sa bhliain 1909. In alt darbh ainm An American Professor on England, a foilsíodh ar an 29ú Samhain, 1909, bhí an méid seo le rá ag scríbhneoir anaithnid ar fhoireann an Freeman’s Journal:

Many expressions familiar in American-English are clearly translations or adaptations from the Gaelic: not a little slang was good idiomatic Gaelic, and such an extraordinary word as kybosh – “to put the kybosh on a man or a scheme” – takes a very curious interest when, as Mr J.H. Lloyd tells in one of his invaluable vocabularies to Irish poems or stories – it is traced to the extinct phrase “the cap of death” – i.e. the black cap of the hanging judge.

Ba shaineolaí ar an Ghaeilge é J.H. Lloyd, nó Seosamh Laoide. Ach thug Lloyd freagra ar an alt seo ar an 2ú de mhí Nollag sa Freeman’s Journal agus ba léir nach raibh sé sásta. Rinne sé gearán gur cuireadh a chuid tuairimí as a riocht:

Dear Sir – In your issue of 29th November, one of your leader writers, towards the end of the article “An American Professor on England”, quotes me in connection with the word “kybosh”, to put the kybosh on a man or a scheme. So far, he is correct. When, however, he adds the explanation “the cap of death,” apparently attributing this to me, he is very much astray.

In the vocabulary to Mac Mic Iasgaire Bhuidhe Luimnigh, published by the Gaelic League, I set down that caidhp bathais, to my surmise an expression of the lost Leinster dialect of Irish, was the probable etymon of “kybosh”.

Deir sé ina dhiaidh sin gur caipín nó fial bharr an chinn an chiall a bheadh ar caidhp bathais. Deir sé go bhfuil guta gairid sa dara siolla de kybosh agus go gciallaíonn sin nach dtiocfadh leis teacht ón fhrása caidhp báis. Deir sé go neamhbhalbh nár tháinig sé riamh ar shampla den fhrása in úsáid sa Ghaeilge (“though I have failed to find the word in use in an Irish dress”). Agus deir sé go bhfuil sé lánchinnte go bhfuil kybosh eile ann, frása a tháinig ón Ghiúdais nó ón Eabhrais. Deir sé gur 18 pingin nó rud éigin gan luach an chiall a bhí leis sin. De réir Laoide, mar sin, tá dhá bhunús ar leith leis an fhocal kybosh, ach deir sé fosta go bhfuil an leagan focal sin “to put the kybosh on something” iontach tipiciúil de chomhréir na Gaeilge agus gur léiriú láidir sin gurbh ón Ghaeilge a tháinig sé. (Tá cor cainte den chineál chéanna ó Chorcaigh pléite agam ar an bhlag seo, mar atá, an frása “to put the cawheke on something”.)

Cad é a chiallaíonn seo uilig? Bheinn níos sásta anois glacadh leis an fhéidearthacht gur frása de bhunús Gaeilge atá ann, thagann duine éigin ar fhianaise. Ach ní leor a rá go bhfuil dul na Gaeilge ar an fhrása “to put the kybosh on it”. Nach bhfuil neart frásaí den chineál seo nach bhfuil baint acu leis an Ghaeilge, leithéidí “to put the damper on it?” Agus cé go bhfaightear leithéidí kybosh, coybosh agus fiú caidhp bháis go minic i nuachtáin Ghaeilge ó fhichidí an 20ú haois, níl rian ar bith de caidhp bháis, caip bháis, caidhp bhathais nó caip bhathais le fáil áit ar bith roimh na tagairtí in 1909. Sin 75 bliain i ndiaidh don fhocal kybosh bheith curtha i gcló den chéad uair i Sasana. Agus ní mór dúinn a chuimhneamh gur glacadh le cuid mhór focal ar nós spraoi agus craic sa Ghaeilge, agus measann a cuid cainteoirí gur dlúthchuid sheanbhunaithe den teanga iad, ainneoin nach bhfuil sin fíor.

Chomh maith leis sin, is léir nach bhfuil sa bhaint idir an focal kybosh agus caidhpeanna báis (cibé míniú atá agat ar an fhrása sin) ach raiméis. De réir cosúlachta, tá sé le cur síos do mhíléamh nó cuimhne iomrallach ar bharúil Leoide sa ghluais i leabhar leathdhearmadta a foilsíodh in 1909. Más amhlaidh atá, is eiseamláir luath é den dóigh a scaiptear méimeanna bréige go víreasach cionn is go bhfuil cruth na fírinne ar na fíricí bréige iontu agus gur furasta cuimhneamh orthu mar gheall air sin.